Pílulas de información: Algunhas ferramentas interesantes para achegarse aos obxectivos da aprendizaxe da alfabetización informacional
O Marco Europeo de Compencias Dixitais permite considerar diversos obxectivos de aprendizaxe específicos para a alfabetización dixital. Algúns destes obxectivos para o alumnado de primaria e de secundaria figuran nas Directrices para profesores e educadores sobre a loita contra a desinformación e a promoción da alfabetización dixital a través da edicación e da formación.
(Cita: Comisión Europea, Dirección General de Educación, Juventud, Deporte y Cultura, Directrices para profesores y educadores sobre la lucha contra la desinformación y la promoción de la alfabetización digital a través de la educación y la formación, Oficina de Publicaciones de la Unión Europea, 2022, https://data.europa.eu/doi/10.2766/36)
Algúns dos obxectivos recollidos nas anteriores directrices son:
Na educación secundaria o alumno...
a) sabe que os contidos, bens e servizos dixitais poderían estar protexidos por dereitos de autor.
b) pode avaliar criticamente a credibilidade e a fiabilidade da fonte de información e dos contidos dixitais.
c) pode empregar ferramentas dixitais para verificar a autenticidade de fotos e vídeos en liña.
d) pode obter, procesar e presentar información baseada na investigación empregando métodos e ferramentas axeitados.
Para facilitar o logro deses obxectivos dende a biblioteca creamos pequenas presentacións que serven para dar a coñecer diferentes ferramentas dixitais e presentámosllas á comunidade educativa. Ademais de traballalas en obradoiros en titorías de 1º ESO.
 |
| Pílulas de Información I |
Comentarios