Inicio de curso: Tríptico para as familias

 Como é habitual en setembro, prográmanse as reunións das familias cos titores e titoras de cada curso.

 Este ano deseñamos un tríptico onde, ademais de  lembrar a importancia de ser exemplo lector para a nosa rapazada, indicamos algunhas suxestións para facer uso dos fondos da biblioteca ao inicio do curso, así como, mediante o emprego dun código QR,poder ter acceso ao noso catálogo de fondos particular. Lembramos que as familias tamén poden facer uso da biblioteca empregando o número de usuario do alumno ou alumna e indicamos onde atoparnos, tanto no centro como nas diferentes plataformas virtuais, onde poden seguir as nosas iniciativas.

Benvidas a nosa/vosa biblioteca.