Xerfas é poesía

Cadáveres exquisitos, tormentas de palabras, poemas imposibles, imaxes que inspiran palabras, epitafios, haikus... Este foi o apetitoso e saboroso menú do que gozamos cos "pequenos" do club Xerfas e os máis novos do club de manga o pasado luns. Para conmemorar o Día Mundial da Poesía (21 de marzo), pareceunos interesante estimular a creación literaria dos nosos precoces talentos mediante estas divertidas actividades relacionadas coa poesía. E foi todo un éxito, porque xurdiron verdadeiras xoias poéticas e creacións realmente enxeñosas. Moitos 👏👏👏👏👏👏👏 para os nosos artistas e parabéns polas súas creacións. Aquí vos deixamos algún petisco da magnífica sobremesa da que gozamos.